amalinks wokungena

Amalunga Ebandla leNational People's Party Ayaxexebuka

  • Chris Gande

UMnu. Bekezela Maduma Fuzwayo

Ibandla leNational People’s Party elikhokhelwa nguNkosikazi Joice Mujuru owayengumsekeli kamongameli welizwe libikwa selihlaselwe yikuxexebuka kwamalunga.

Amalunga esigaba se Matabeleland South yiwo abikwa esesuka ngobunengi. Kodwa iStudio Seven kayenelisanga ukuzwa ukuthi bangaki asebesuke kulelibandla.

Omunye oxexebukileyo ngumgcinisihlalo wesigaba seMatabeleland South, uMnu. Bekezela Maduma Fuzwayo.

UFuzwayo wethese ibandla ukuba lomkhuba wokubandlululana ngemihlobo kungxoxo esiyenze laye.

"Abantu laba ngabatshela sekulesikhathi kodwa ngimangele sebekhuluma ngakho emaphephandabeni namhla ngingazi ukuthi sekutheni. Ngabatshela ukuthi mina sengifuna ukwenza izifundo," kutsho uFuzwayo.

Kodwa isikhulumeli sebandla le NPP, uMnu. Methuseli Moyo uthe akubamangalisi ukusuka ebandleni leli ngemva kokunqotshwa kukhetho lokudinga umgcinisihlalo olwenziwa ekuqaleni komnyaka.

Ephendula umbuzo wokuthi akusoze kutshiye ibandla lixega na ukusuka kwamabandla uMoyo uthe: "Ibandla le NPP lizasala liqinile ngokusuka kwabantu abenza ibandla lixege."

Facebook Forum

XS
SM
MD
LG