Indleko zamalunga edale le phalamende lelesenate angahlali eHarare zibikwa zisedlula inkulungwane ezilitshumi lasikhombisa-US$17 000 ngelanga lapho amadale la ayabe ehlala.
Ngenyanga edluleyo umphathintambo wezemali, umnu. Tendai Biti wazise ukuthi imali esetshinziswe yiziphathamndla zikahulumende womanyano selokhu wabunjwa isifika izigidi ezingamatshumi amathathu. Iphephandaba le The Herald lithi isilinganiso semali ehlaulelwa amalunga edale lephalamende laweSenate emahoteleni, sekusenza ukuthi uhulumende acabange ukwakha umuzi wamalunga ala madale lapho sokumele abe seHarare.
Omela iBulilima West edale lephalamende njalo engumsekeli kamphathintambo wezaphandle kwelizwe, uMnumzana Moses Mzila Ndlovu utshele uChris Gande weStudio 7 ukuthi abamahotela sebebaxotsha ngoba uhulumende engabhadali.
