amalinks wokungena

Amalunga Edale Lephalamende Akhala Ngokungaphiwa Iholo Selokhu Aqala Umsebenzi

  • Chris Gande

Idale lephalamende

Amalunga edale lephalamende, akumabandla wonke, amanyene ngoLwesine langoLwesihlanu esithi uhulumende kumele awahlawule imali yama allowances ebikwa isifika kumadola azinkulungwane ezingamatshimu amathathu ngalunga linye, $30,000.

Amalunga edale abikwa engakaze aphiwe yona indibilitshi eyodwa lokhe idale laqala ngomnyaka ka2013.

Kumele baphiwe amadola angamakhulu amabili, i$2,000 ngenyanga lemali ethiwa ngama sitting allowance ephiwa ngokuthi ilunga lihambe kangaki edale njalo lisuka ngaphi kwelizwe.

NgoLwesine amalunga la atshelwe ukuthi kuzakuba lomhlangano wokuhlaziya uluhlu lwendleko zedale kodwa amalunga la athi kawasoze aye ngoba engaphiwanga imali.

Yikho okuqale khona udaba kwathi ngoLwesihlanu amalunga la aqhubeka esithi kawaphathwa kahle njalo lemali eyokuthuthukisa izigaba, eye Constituency Development Fund kumele bayiphiwe.

Sixoxe lelinye ilunga ledale, uMnu. Prince Dubeko Sibanda, othe, "Izimali zonalezo ezama allowances silokhu singenile ngo2013 asikawatholi sokuze kube namhla impilo yephaliyamende isize isiyaphela asikaze sithole ngitsho icent," kutsho uSibanda.

USibanda uthi imali yamafutha bebiphiwa nje gqo kodwa isikhathi esinengi imali le ibingatholakali.

Facebook Forum

XS
SM
MD
LG