Amalunga edale le Senate awebandla le Movement for Democratic Change (MDC) ekhokhelwa nguMnu. Morgan Tsvangirai athi inkokheli yalelibandla ayikaphumi lesinqumo sokuthi kumele enzeni nxa idale leli lingaqoqwa ngesiphangiphangi ukuthi lizolungisa uluhlu lwendleko zikahulumende, ibudget ka 2011.
UChief Whip webandla leli kudale le Senate uNkosikazi Gladys Dube-Gombami uthi abanye bakhe lokhe bethobele ibandla le Zanu PF loMongameli Robert Mugabe owaqhatsha osibalukhulu bezabelo engakhulumisananga lalabo abusalabo.
Isivumelwano sokubusa kwamabandla eZimbabwe sithi kumele umongameli axoxisane labanye bakhe engakaqhatshi muntu.
Amalunga eSenate awe MDC akhonone atshaya umkhulungwane ngenyanga ephelileyo idale leli laze lavalwa kwathathwa isinqumo sokuthi kumele livulwe ngoNhlolanja.
Unkosikazi Dube-Gombami utshele iStudio 7 ukuthi akwaziwa ukuthi kuzenziwa njani ukwenzela ukuxakulula lindaba lokwethulwa kwe budget ka 2011 edale le senate.
