amalinks wokungena

Breaking News

Amalunga eMDC-T Abotshwe ngeSonto Lokhu Evalelwe


Abasekeli beMDC-T

Amalunga ebandla leMDC-T alitshumi lanye abotshwe ngeSonto eHarare South ebelokhu evalelwe ngoMvulo njalo azamiswa emthethwandaba ngoLwesibili esetheswa icala lokubangela udlakela lokulwisana lamapholisa.

Isikhulumeli samapholisa uAssistant Commissioner Charity Charamba uthi abasolwa bebezama ukwenza umhlangano bengela mvumo yamapholisa.

Isikhulumeli samapholisa uAss Commissioner Charity Charamba
Isikhulumeli samapholisa uAss Commissioner Charity Charamba

Ngeviki edluleyo kube lokulwisana njalo endaweni efanayo phakathi kwabasekeli beMDC-T labe Zanu PF.

Ngaleso sizatho, uCharamba utshele iStudio Seven ukuthi amapholisa alile ukuvumela ibandla leMDC-T ukuthi lenze umbuthano walo kuyonaleyo ndawo.

"Udaba lweviki edluleyo silokhu siluhlaziya ngalokho bekungenzi ukuthi sibavumele benze umhlangano wabo khonapho," kutsho uCharamba.

Ngakwelinye icele lelibandal lithi lenelisile ukwenza imihlangano yalo esigabeni seMashonaland West, ekhaya likaMongameli Robert Mugabe lanxa bekulokwethuselwa.

Obona ngokuqoqwa kwenhlelo zebandla leli esigabeni se Mashonaland West, uMnu. Wilson Makanyaire utshele iStudio Seven ukuthi abantu batshengise ukengesabi ukwethuselwa.

"Abantu baze ngobunengi babo lanxa bebengabanengi okwesabekayo ngoba bebesethuselwa," kutsho uMakanyaire.

Isikhulumeli seMDC-T, uNkosazana Thabitha Khumalo uthi bayakusola kakhulu okwenziwa ngabomthetho nxa befuna ukwenza imihlangano yabo lozulu.

Umsekeli wesikhulumeli seMDC-T Unkosazana Thabitha Khumalo
Umsekeli wesikhulumeli seMDC-T Unkosazana Thabitha Khumalo

"Amalunga ethu ahlukuluziwe aphinda abotshwa eHarare ngepelasonto njalo akhengelwe ukusiwa emthethwandaba", kutsho uMaKhumalo.

please wait

No media source currently available

0:00 0:01:45 0:00
Lapho esitholakala khona

XS
SM
MD
LG