Idale lephalamende lilokhu liphatheke ngemizamo yokuthi ukhetho oluzayo lwenziwe ngokukhululeka lanxa kulobunzima bokuthi uhulumende umadolonzima.
Amalunga edale awebandla leMDC-T alendaba ezimbalwa azama ukuthi azifuqe zenziwe umthetho.
Enye yezikhalazo zebandla le MDC-T yikuthi ugatsha lwezokhetho, iZimbabwe Elections Commission, iZEC, kumele ibe lugatsha olungasekeli hlangothi ngoba okwakathesi uhulumende nguye otshela iZEC okokwenza.
Abaphathintambo, owendaba zekhaya kunye lowezomthetho yibo abalawula ngokwenzkala kugatsha lolu phansi kwemithetho ekhona okwakathesi.
Sixoxe lomela iBinga North edale lephalamende, uMnu. Prince Dubeko Sibanda saqala ngokumbuza ukuthi kuyini kade kusenzakala ngodaba lolu edale lephalamende?
“Azizinengi kakhulu into esidinga ukuthi zingene laphana. Okwakuqala besifuna ukuthi iZEC ibe liqembu elizimeleyo,” kutsho uSibanda.
