amalinks wokungena

Breaking News

Amalunga eMRP Azaphindela Njalo Emthethwandaba Ekupheleni Kwayonale Inyanga


Uphawu lweMthwakazi Republic Party

Ilunga lalelibandla uMnu. Mbonisi Gumbo uthi bakhathazekile ngabanye ababotshiweyo ngoba belezinyalo kanye lezifo ezithile, njalo abafinyeleli ezempilakahle, kukanti abavunyelwa ukuyababona.

Amalunga ebandla leMthwakazi Republic Party abotshwa ngenyanga edluleyo amiswe phambi komthethwandaba kamantshi ngoLwesihlanu koBulawayo lapho aziswe ukuthi azaphindela njalo kulelidale mhlaka ziku 28 kuyonale inyanga..

Amalunga la, ayisitshiyagalolunye, avalelwe ejele yeKhami njalo awesifazana ase Mlondolozi kulandela ukwenqaba kukamahluli uMnu. Sengester Tawengwa ukubakhulula ngemali yesibambiso eye bail.

Amagqwetha awe Abammeli Lawyers for Human Rights okuyiwo abameleyo abikwa esithi awakaziswa ukuthi ukuthethwa kwecala aletheswayo elokubangela udlakela kuyasungulwa nini.

Abayisitshiyagalolunye laba babalisi oNkosazana Sibongile Banda, loBusi Moyo, laboMnumzana Tinos Nkomo, Mongameli Mlotshwa, Ackim Ndebele, Welcome Moyo, Maxwell Nkomo, Nkosinathi Ncube, lo Levison Ncube.

Ilunga lalelibandla uMnu. Mbonisi Gumbo uthi bakhathazekile ngabanye ababotshiweyo ngoba belezinyalo kanye lezifo ezithile, njalo abafinyeleli ezempilakahle, kukanti abavunyelwa ukuyababona.

Uthe basading imvumo yokutshenisela ngeSonto.

Kusenjalo, umphathintambo obona ngezemithetho uMnu. Ziyambi Ziyambi utshele idale lephalemende ukuthi amapholisa awahlukuluzi amabandla ezombusazwe kodwa aqhuba umthetho nxa bebotshwa. Ubephendula umbuzo kaMnu. Anele Ndebele owebandla leMDC Alliance othe kungani abantu bebotshwa mahlayana.

please wait

No media source currently available

0:00 0:03:14 0:00


Facebook Forum

XS
SM
MD
LG