amalinks wokungena

Breaking News

Amalunga eMthwakazi Atshaya uMkhwanazi


Ophume kuZapu waya kuMDC ekhokhelwa nguMnu Morgan Tsvangirai ngeviki edluleyo uMnu George Mkhwanazi uthi utshaywe ngamalunga eMthwakazi Liberation Front ngeSonto eSouth Africa emethesa icala lokuba ngumthengisi.

IMthwakazi Liberation Front yona ilobe ekhasini layo leFacebook ebulenjini incoma abasekeli bayo isithi bamfundise isifundo ngokumtshaya.

Inhlanganiso le ithi abasekeli bayo batshaye uMkhwanazi ngoba etshengise inhloli zikahulumende lapho okuhlala khona amalunga ayo. IMthwakazi Liberation Front yinhlanganiso elwela uzibuse waMaNdebele.

UMkhwanazi utshele iStudio 7 ukuba icala aletheswayo lingamanga, esithi sokusobala ukuba iMLF yinhlanganiso yezikliwi eqakathekisa udlakela njenge Zanu PF.

Njengoba singasekeli hlangothi sixhume isikhulumeli seMthwakazi Liberation Front uMnu David Magagula yena othe uMkhwanazi utshaywe ngamalunga eMbizo hatshi awenhlanganiso yakhe.

XS
SM
MD
LG