amalinks wokungena

Breaking News

Amalunga eMthwakazi Republic Party Ayabandlululwa Ngamapholisa Lemithethwandaba Okwedlula Ezinye Izibotshwa, Kutsho Amagqwetha


Mthwakazi Republic Party

Amalunga ebandla leMthwakazi Republic Party amabili abalisa uNkosazana Sindiso Moyo obelengane kanye loMnu. Lwazi Khanye ababotshwe ngoMvulobakhululwe ngoLwesibili ngemali yesibambiso eye bail njalo bakhangelelwe ukuphindela emthethwandaba mhlaka 6 ngenyanga ezayo.

Amalunga ebandla leMthwakazi Republic Party amabili abalisa uNkosazana Sindiso Moyo obelengane kanye loMnu. Lwazi Khanye ababotshwe ngoMvulo phambi komthethwandaba ophezulu koBulawayo bakhululwe ngoLwesibili ngemali yesibambiso eye bail njalo bakhangelelwe ukuphindela emthethwandaba mhlaka 6 ngenyanga ezayo.

Ababili laba babikwa bebehlabela bezama ukunikeza umthethwandaba ugwalo lwe petition obelumumethe umbiko osola ukuthi abanye babo abayisitshiyagalolunye basuswa ejele yeKhami basiwa eChikurubi leGwanda ukuthi bayepika khona.

Betheswa icala lokuthi abakade bekwenza bekungabangela udlakela.

Ingane kaNkosazana Moyo, ibikwa ingaphathekanga kuhle esitokisini sakoBulawayo ngoba kungelamanzi ezambuzi njalo sokudingakala ukuthi itshintshwe impahla njengoba izitshiyile, kukanti lezihlobo bezingavunyelwa ukubabona.

Sixoxe legqwetha elibamelayo uMnu. Nqobani Sithole yena othi bayananzelela njangabammeli ukuthi amalunga ebandla leMRP ayabandlululwa kulabanye abetheswa amacala edlula abawetheswayo.

please wait

No media source currently available

0:00 0:05:17 0:00

Asenelisanga ukukhuluma lamapholisa ngaloludaba.

Facebook Forum

XS
SM
MD
LG