Ontanga bomanyano wamabandla ezombusazwe, owe National Election Reform Agenda, kumbe NERA, bathi sebecatshile kulandela ukwethuselwa lokuhlukulwaza phambilini kokutsengisela abakuqoqa ngoLwesibili eHarare.
Ontanga laba bathi kusukela kuviki edluleyo bebethwaliswe nzima omunye wabo waze wathunjwa ngabantu abangaziwayo kodwa wakhululwa ngoMgqibelo.
Imizamo yokukhuluma lontombazana lo othiwa ubethunjiwe yehlule. Abasayina isivumelwano se Nera ngabamandla alitshumi abalisa ele MDC-T, Zimbabwe People First lamanye.
Umgcinisihlalo we NERA uMnu. Joelson Mugari, utshele iStudio Seven ukuthi okubamangalisayo yikuthi amapholisa abapha imvumo yokutshengisela lokhu.
Isikhulumeli se NERA, unKosazana Thabisile Ncube utshele iStudio Seven ukuthi bakhangelele ukuthi ukutshengisela kwakusasa kuphumelele.
"Bakhona amalunga omanyano wethu ahlaselwa ngabantu esingabaziyo," kutsho uNcube.
Uthi amapholisa aqale ala ukubapha imvumo yokuthi kube lokutshengisela lokhu.
