amalinks wokungena

Breaking News

Amalunga ePhalamende Asola Udlakela lweZanu PF


Idale lephalamende eye Zimbabwe
Idale lephalamende eye Zimbabwe

Amalunga edale lephalamende aveze ukukhathazeka ngoLwesithathu ngodlakela kuZanu PF olubulalise abasekeli balelibandla abathathu.

Udlakela lolu lwenzakale eChitungwiza ngempelasonto lapho omunye umsekeli weZanu PF agamule khona abanye bakhe ababili wasetholakala laye efile esitokisini ngoMvulo.

Amalunga ephalamede atshele umsekeli kaMongameli uMnu Emmerson Mnangagwa ukuthi udlakela lolu lunika ilizwe igama elibi njalo luxotsha osomabhizimusi abangaba belesifiso sokuzevula amabhizimusi eZimbabwe.

Kodwa uMnu Mnangagwa ukulandule ukuthi abantu laba babulawa ngendaba zombusazwe. Uthe njalo eleZimbabwe lilizwe elilokuthula; ngalokho uthi akulalutho osomabhizimusi bakwamanye amazwe abamele balwesabe.

Ingcwethi kwezombusazwe uMnu Mqondobanzi Magonya laye usole udlakela lolu esithi luphambanisa imizamo yokuvuselela umnotho welizwe.

"Umumo kawuvumi ukuthi abantu abalemali bazethela imali yabo kuhulumende wezidlova, oweZanu PF," kutsho uMnu Magonya.

please wait

No media source currently available

0:00 0:02:09 0:00
Lapho esitholakala khona

XS
SM
MD
LG