WASHINGTON —
Amalunga edale lephalamende awesifazana aqalisile ngoMvulo ukuhlolwa umkhuhlane wemvukuzane yomlomo wesibeletho endaweni ezitshiyeneyo zelizwe besungula umkhankaso wokuthi babe yisibonele kudaba lokuhlolwa kwalumkhuhlane kwabanye abesifazana kuseselesikhathi.
Inhlanganiso ye Population Services International, yiyo ezabe ibahlola lumkhuhlane okwamalanga amathathu alandelayo.
Imvukuzane yomlomo wesibeletho ibikwa kuyiyo ekhokhela ekuhlaseleni abesifazana kakhulu phakathi kwemikhuhlane yonke yemvukuzane etshiyeneyo.
Kusenjalo, ukhansila Thabitha Ngwenya ka Ward 6 koBulawayo uthi uhlelo lolu luqakathekile kakhulu njalo kungaba kuhle ukuthi lamakhansila angawesifazana aphatheke kulo ukwenzela ukuthi aqinise lumkhankaso.
Inhlanganiso ye Population Services International, yiyo ezabe ibahlola lumkhuhlane okwamalanga amathathu alandelayo.
Imvukuzane yomlomo wesibeletho ibikwa kuyiyo ekhokhela ekuhlaseleni abesifazana kakhulu phakathi kwemikhuhlane yonke yemvukuzane etshiyeneyo.
Kusenjalo, ukhansila Thabitha Ngwenya ka Ward 6 koBulawayo uthi uhlelo lolu luqakathekile kakhulu njalo kungaba kuhle ukuthi lamakhansila angawesifazana aphatheke kulo ukwenzela ukuthi aqinise lumkhankaso.
