Amalunga eboard yeReserve Bank of Zimbabwe aseqalisile ukuhlolisisa umthambo wenotho kaMnu. Obert Mpofu, umphathintambo wezemigodi osanda kuphiwa imvumo nguhulumende yokuthenga ibhanga leZimbabwe Allied Banking Group (ZABG).
Amalunga la, abikwa ekhangelelwe ukuthi ahlolisise yonke inotho kaMpofu lokuthi imali wayithola njani.
Kubikwa amalunga la ezakwethulela ibhanga leRBZ ugwalo oluzaveza konke ngenotho kaMnu. Mpofu, obikwa esethenge ibhanga leli ngezigidi ezilitshumi zamadollar eMelika.
UMpofu ubikwa etshengise uhulumende enye inotho yakhe egoqela iYork House esedolobheni lakoBulawayo.
Ibhanga leZABG lehlulekile ukudinga izigidi ezedlula itshumi lambili yokuyithuthukisa lokugcina imali kazulu.
Ingcwethi kwezenotho uMnu Rejoice Ngwenya, uthi ukuhlolisisa inotho kaMnu. Mpofu kwenzelwa ukuthi kungabi labantu abavula amabhanga ngemali yegazi kumbe eyokutshontshwa.
