amalinks wokungena

Breaking News

Amalunga eZanu PF kuSenate Amisa Ukuhluzwa Komthetho weRBZ


Icele leMDC elikhokhelwa nguMnu Morgan Tsvangirai lisele lidideke ingqondo kulandela isicelo samalunga eZanu PF kuSenate esokuthi idale leli lime kancane ukuhluza umthetho ojonge ukuqondisa ukusebenza kwebhanga elikhulu lelizwe ele Reserve Bank of Zimbabwe.

Ibandla le Zanu PF lithi lifuna isikhathi sokukhangela umthetho we Reserve Bank of Zimbabwe Amendment Bill lokuthi liguqule eminye yemithetho evunyelwane edale le phalamende umthetho lo ungakhwezwa ku Senate.

Umtetho lo ujonge ukuqondisa indlela iRBZ esebenza ngayo. Ibhanga elikhulu leli, letheswa icala lokusekela ibandla le Zanu PF ngesikhathi kungakabunjwa uhulumende womanyano, okwenza imali ye Zimbabwe iwe ngamandla.

Ingcwethi ecubungula ezombusazwe uMnu George Mkwananzi utshele uGibbs Dube we Studio 7 ukuthi ibandla le Zanu PF kalifuni ukuthi umthetho lo upase ngoba uzaquma usibalukhulu weRBZ uMnu Gideon Gono impiko.

‚Äč
XS
SM
MD
LG