amalinks wokungena

Breaking News

Amalunga eZIMTA Athwaliswa Nzima Ngembadalo Yezibhedlela


PSMAS
Inhlanganiso yababalisi eye Zimbabwe Teachers Association ithi amalunga ayo amanengi ayaxotshwa ezibhedlela ngenxa yokuswelakala kwemali enhlanganisweni ephathisa izisebenzi zikahulumende ngendleko yokwelatshwa eye Premier Service Medical Aid Society.

Umnu. Sifiso Ndlovu umqondisi weZIMTA uthi bathole imbiko eminengi ethi amalunga ayo ayehluleka ukuthola usizo lokwelatshwa ezibhedlela nxa esebenzisa amacard awePremier Service Medical Aid Society.

UNdlovu uthi lokhu kwenzakala ngesikhathi kuphuma indaba zokuthi abaqondisi bePSMAS bahola imali enengi okumangalisayo.

Uthi uNdlovu sebecele uhulumende ukuthi alungise udaba lolu ngesiphangiphangi njengoba amalunga eZIMTA ethwele nzima lapho edinga usizo lokwelatshwa ezibhedlela.

UMnu. Job Sibanda Ingqwetha elilwela ilungelo likazulu othi amalunga ePSMAS abhekane lalolu hlupho alakho ukuya emthethwandaba we High Court lapho angathola khona amagqwetha angabhadalwayo.

Kasenelisanga ukukhuluma labe PSMAS njengoba owethula imibiko kuleyonhlanganiso ubikwa ukuthi ukukhefu.
XS
SM
MD
LG