amalinks wokungena

Breaking News

Abasekeli BeZANU PF Bathi Amalungelo Oluntu Ayananzwa EZimbabwe


Zanu PF

Leli bandla lithi kumele inhlanganiso ezizimeleyo zincedise ukuthuthukisa inhlelo zikahulumende ezokunanza amalungelo oluntu kulokuchothoza ilizwe labo phambi komhlaba sikhathi sonke.

Umhlaba unanza unanza ilanga lokulondolozwa kwamalungelo oluntu owe International Human Rights Day ngoLwesibili inengi labasekeli bebandla le ZANU PF lisola inhlanganiso ezizimeleyo kanye lamabandla aphikisayo ngokwethula imbiko ekhomba ukuthi amalungelo oluntu awananzwa elizweni, besithi lokhu yikuninda eleZimbabwe ngodaka phakathi kwamanye amazwe.

Inhlanganiso yeAmnesty International isanda ukwethula umbiko okhomba ukuthi abalwela ilungelo loluntu kanye lamalunga amabandla ezombusazwe aphikisayo bayahlukuluzwa ikakhulu ngamapholisa elizweni.

Kodwa uMnu. Morris Ngwenya, ingcwethi ecubungula ezombusazwe njalo elilunga lebandla le ZANU PF utshele uSithandekile Mhlanga weStudio 7 ukuthi kufanele inhlanganiso ezizimeleyo zincedise ukuthuthukisa inhlelo zikahulumende ezokunanza amalungelo oluntu kulokuchothoza ilizwe labo phambi komhlaba wonke.

please wait

No media source currently available

0:00 0:02:02 0:00
Lapho esitholakala khona
XS
SM
MD
LG