WASHINGTON —
Ibandla le Zanu PF lithi amalungiselelo omcimbi wokunanza ilanga likazibuse i-Independence Day, ozakwenzelwa ko Bulawayo okwakuqala selokhu ilizwe lathola uzibuse, asekusibanga esikude.
Lumbuthano uzaqhutshwa enkundleni ye Barbourfields Stadium ngeviki ezayo. Lanxa imbuthano efana lalo yande ukwenzelwa enkundleni ye White City abanye bacabangela ukuthi umongameli Emmerson Mnangagwa wenqabile ukuthi uqhutshelwe kulinkundla ngoba wasinda lapho kudubuka ibhomba kulindawo ngomnyaka ka 2018.
Sixoxa lesikhulumeli sebandla leMDC ko Bulawayo, uMnu. Swithern Chirowodza ukuze sizwe ukuthi bona bathini ngokwenzakalayo.