Amalungiselelo okukhumbula umuyi owayengumsekeli kamongameli, uDr Joshua Nkomo asefike esibangeni esiphezulu njalo lamabandla ezombusazwe elizweni ephathekile kumalungiselelo kamhlaka 1 Ntukikazi.
Indodana kamuyi uNkomo, uMnunzana Sibangilizwe Nkomo obona ngamalungiselelo omkhosi weJoshua Nkomo Liberators Day uthi umbuthano walonyaka uzabe umkhulu.
Lonyaka amalungiselelo eJNLD siqale ukuwaslungiselela lonyaka ngoMarch la ngoMay sanxusa inhalnagniso zombusazwe zonke ukuba babelathi ekulungiseleleni ilanga likaFather Zimbabwe siyathaba ukuba kulokudlelwana phakathi kwabantu bethu kulokuhloniphana kakhulu kulokubambana uma silungisella lelilanga. Sesiqalile ukulungiselela ukuqoqa ukudla.
UNkomo wengeze ethi ubona lonyaka uzaba ngumkhosi omkhulu ukwedlula eminyakeni edluleyo.
Sesiqalile ukulungiselela ukuqoqa ukudla, okuzadliwa ngabantu ngibona kuhamba kahle angila nsolo ngombono wami kuzadlula eminyakeni edlule, sinxusa wonke umahlabezulu eStanlye Squarer mhlaka 1 July ngolwesihlanu ungakhathalekile ukuba ungaphi komhlaba uyanxuswa.
Imbongi KaZulu, uDumisani Mhlanga yena ubike ukuba uyajabula ngamalungiselelo okukhumbula iqhawe ngoba iZimbabwe ilokuthula nguye njalo lababusayo babusa nje yimisebenzi kamuyi.
Amalungiselelo elanga likaBaba uNkomo aqakathekile kakhulu ngoba namhlanje kunje iZimbabwe inje kungenxa kaBaba uNkomo, kukhona ukuthula nomanje sihlupheka siswel izimali lemsebenzi kulokuthula kungenxa kaBaba uNkomo, labanye ababusayo kungenxa kaBaba uNkomo.
Osakhulayo, uGodswill Jubane yena uthi uyamhlonipha kakhulu umuyi uFather Zimbabwe ngoba wazinikela impilo yakhe ukuba abatsha njengaye babelekusasa elihle.
Ngiyamhlonipha uBaba uNkomo ngesonzi sakhe esihle kangaka esokuzinikele esokulwela isizwe sakithi njengabantu abamnyama lathi njengabatshangiyethemba sizalandela emanyathelweni ache.
Umuyi uNkomo wazalwa ngoNhlangula 17, 1918 eSemokwe wakhothama NgoNtulikazi 4, 1999. Udume ngokuba ngubaba welizwe yikho abantu babembiza Father Zimbabwe ngoba wayengakhethi mhlobo njalo wazinikela ngempela ukukhulula ilizwe nomanje umbuso okhona manje wawusumzingela emini lebusuku, waze wacina ekhumisana lawo umlotha kulotshwa isivumelwano sokumanyana esebone uzulu weMandebeleni esethwele luklubhu.
