amalinks wokungena

Breaking News

Amankampani Abanjwa Ngamandla Ukuthi Abhadale Imali Yedili Elikhulu Le ZANU PF - MDC


Ibandla le ZANU PF lithi kungamanga ukuthi libamba ngamandla amankampani eZimbabwe ukuthi abhadale inkulungwane ezilikhulu zamadollar eMelika yokwenza idili lokukhankasela ukwesulwa kwezijeziso zenotho ezafakelwa uMongameli Robert Mugabe labanye bakhe ngamazwe entshonalanga.

Isikhulumeli sebandla leli uMnumzana Rugare Gumbo uthi leli dili kanye labaculi abanxusiweyo abanjengo Salif Keita we Mali, Wyclef Jean we Haiti, Ladysmith Black Mambazo yakwele South Africa le Yondo Sisters, likhangelelwe ukubuthanisa imali yokukhankasa ngamandla ukuthi amazwe la esule izikeziso lezi.

Ibandla le Movement for Democratic Change elikhokhelwa nguMnu. Morgan Tsvangirai lithi ibandla le ZANU PF lizama ukudinga imali ngendlela ephansi ikakhulu nxa libamba ngamandla amankampani ukuthi abhadalele inhlelo zalo.

Kodwa-ke isikhulumeli sebandla le ZANU PF uMnumzana Rugare Gumbo uthi ibandla lakhe lidinga imali ngendlela ezisemthethweni.

Ingcwethi kwezombusazwe uMnu. Nkululeko Sibanda uthi ibandla le ZANU PF lilakho ukuthi libambe ngamandla amankampani ukuthi abhadale imali le.

XS
SM
MD
LG