amalinks wokungena

Breaking News

Amankampani Amahlanu Emazweni Afuna Ukusebenza le ZiscoSteel - Ncube


Umphathintambo wezamafekithali uMnu. Welshman Ncube uthi amankampani amahlanu asetshengise ukuthi afuna ukusebenzelana lenkampani ye Zimbabwe Iron and Steel Company (ZiscoSteel) eyadilika ngomnyaka ka 2008.

Umnu. Ncube uthi ikhomithi ekhangelane lokudinga inkampani engasebenza le ZiscoSteel isimnike ugwalo olulebizo lwenkampani engathakazelelwa nguhulumende.

Umnu. Ncube walile ukwethula ibizo lalinkampani lamanye afuna ukusebenza le ZiscoSteel azahanjiswa kunkokheli zelizwe.

Abazi ngokwenzakalayo bathi kulamankampani anjenge ArcelorMittal Private Limited ye South Africa, Jindal Steel and Power ye India, Bright Star Private Limited ye Mauritius leyinye njalo ye South Africa.

Uhulumende walile lonyaka ukuthi iZiscoSteel isebenze le ArceloMittal esithi linkampani inkulu kakhulu.

Umnu. Ncube utshele uGibbs Dube we Studio 7 ukuthi uzahlolisisa wonke amankampani afuna ukusebenzelana le Ziscosteel andubana ethulele inkokheli ibizo laleyo engasebenzelaba lenkampani le.

‚Äč
XS
SM
MD
LG