Uhulumende ukhuthazwa ukuthi avumele amankampani wonke afuna ukufaka imali yawo eZimbabwe and Iron Steel Company (Ziscosteel) kulokuthi abelemgoqo yokuthi amakhulu awasoze anikwe ithuba lokuthi athenge amashares kunkampani le eyavalwa ngenxa yokuswelakala kwemali yokwemba insimbi.
Ingcwethi ezicubungula ezenotho lezombusazwe kanye lalezo ezibona ngokwenjiwa kwensimbi zithi uhulumende waphambanisa lonyaka ukungavumi ukuthi inkampani ye AcerlorMittal of South Africa isebenzelane le Ziscosteel. Inkampani le yiyo eyakhethwa ngumphathintambo wezamafekithali ukuthi ingenelisa ukusebenzelana le Ziscosteel elezikwelede ezesabekayo.
Kodwa-ke uMongameli Robert Mugabe wala ukuthi linkampani iqalise ukufaka imali yayo eZiscosteel esithi inkulu kakhulu.
Ingcwethi ecubungula ezenotho lezombusazwe uMnu. Themba Dlodlo utshele iStudio 7 ukuthi inkampani enkudlwana edingwa nguhulumende ukuthi ifake imali eZiscosteel kayisoze itholakale.
