amalinks wokungena

Breaking News

Amankampani Ambalwa Abhidlizwa Yikusilela Kwemali eZimbabwe


Amankampani ambalwa eZimbabwe asedilikile kuthi amanye athwele nzima njengoba esefake amalanga amalutshwana okusebenza ngenxa yokuswelakala kwemali yokuthenga imitshina emitsha, ukubhadala izikwelede kanye lokuholisa izisebenzi.

Umnu. Jabulani Nkomo umgcinisihlalo wenhlanganiso ye Zimbabwe National Chamber of Commerce uthi loba nje kusetshenziswa imali ezitshiyeneyo eZimbabwe ezenza ukuthi inotho ithuthuke kancane, amankampani amanengi alakho ukudilika kumbe ukwehluleka ukubhadala izisebenzi.

U Nkomo utshele uGibbs Dube we Studio 7 ukuthi amabhanga eZimbabwe kumele azame ukunika amankampani izikwelede ezilomthelo ophansi.

Kusenjalo, abaphathintambo bengatsha zikahulumende womanyano abebandla le Zanu PF sebephume ijumo ezabelweni betshela izisebenzi zikahulumende ukuthi sokumele zibumbe ama co-operatives lamankampani ukwenzela ukungena kuhlelo lwe indigenization.

Unkosikazi Ruth Labode umgcinisihlalo wenhlanganiso ye Matabeleland Chamber of Industries uthi kunzima ukuthi izisebenzi zingene kuhlelo lolu ngoba zihola imali ephansi.

‚Äč
XS
SM
MD
LG