amalinks wokungena

Breaking News

Amankampani Athenga Indawo Ezibanzi Zokubukisa Impahla Lonyaka eTrade Fair


Amankampani emazweni lawe Zimbabwe asethenge izihonqo ezinkulu okwamagama zokubukisa impahla etshiyeneyo lonyaka embukisweni we Zimbabwe International Trade Fair edolobheni lako Bulawayo ozakwenziwa okwamalanga amahlanu kusukela mhlaka 20 ngoMabasa.

Unkosikazi Nomathemba Ndlovu obona ngezokudlelana lozulu lokuthuthukisa iZITF utshele iStudio 7 ngoLwesibili ukuthi loba emalutshwana amankampani asethenge izihonqo zokubukisa impahla nxa kuqathaniswa lesikhathi esifanayo nyakenye, amankampani la athenge indawo yempahla enkulu okutshengisa ukuthi kuzabe kubukiswa impahla elohlonzi.

Unkosikazi Ndlovu uthe lonyaka kuzaba lamalanga amabili kuphela kazulu lamalanga amathathu okuthi osomabhizimusi bathengiselane abakufunayo.

Uphinde wathi kulabosomabhizimusi bemazweni labe Zimbabwe abanengi abatshengisela ukuthi bazabe besemhlanganweni owenziwa mnyaka yonke ngesikhathi se trade fair okuthiwa yiInternational Business Conference.

Amankampani ayedlula amakhulu ayisitshiyangalo mbili abesembukisweni lo nyakenye.

XS
SM
MD
LG