Amankampani kahulumende okumele athengiswe abikwa elezikwelede ezesabekayo osokusenza ukuthi labo abafuna ukuwathenga batshedele emuva.
Abazi ngokwenzakalayo bathi labo bantu bemazweni bafisa ukuthi uhulumende abumbe imithetho ezakwenza ukuthi bengathenga lawomankampani bengaxotshwa ngabezombusazwe.
Abemazweni laba babikwa betshengisa isifiso sokufaka imali kumankampani anjenge Air Zimbabwe, National Oil Company of Zimbabwe, NetOne, TelOne kanye le Agribank.
Umnu. Joel Gabuza umphathintambo wogatsha olubona ngamankampani kahulumende utshele uGibbs Dube we Studio 7 ukuthi nxa abantu bemazweni laba befuna ukuthenga lamankampani kumele bazimisele ukubhadala izikwelede zalamankampani.
