amalinks wokungena

Breaking News

Amankampani Azimeleyo Seqalisile Ukuzithengela Umlilo Kagetsi


Umqondisi wenhlanganiso yabamabhizimusi eye Confederation of Zimbabwe Industries, uMnu. Joseph Kanyekanye, uthi amanye amankampani azimeleyo seqalisile ukuzithengela umlilo kagetsi emazweni njengoba iZimbabwe Electricity Supply Authority (ZESA) ingenelisi ukuwanika umlilo kagetsi oweneleyo.

U Kanyekanye uthi inhlanganiso ye Federation of Timber Industries isanda kuvumelana lenkampani ye ZESA ukuthi ithole umlilo kagetsi ongama kilowatts angamatshumi amane.

Uphinde wathi kuleminye imizamo eyenziwa ngamanye amankampani amakhulu eyokuthi athole umlilo ofanayo kwamanye amazwe.

Umnu. Fullard Gwasira isikhulumeli se ZESA uthi manengi amankampani afuna ukuzithengela umlilo kagetsi emazweni kodwa kumele abhadale iZESA ukuthi ibalethele umlilo oyabe subhadalelwe.

Umnu. Jabulani Nkomo obengumqondisi we Zimbabwe National Chamber of Commerce utshele uGibbs Dube we Studio 7 ukuthi nxa amankampani ethola umlilo ka getsi encedisana le ZESA kungenzakala ukuthi udubo lokusilela kukagetsi lwenqatshelwe.

XS
SM
MD
LG