Abakweledisa inkampani ye Zimbabwe Iron and Steel Company imali sebetshele uhulumende ukuba sebefuna ukubhadalwa izimali zabo.
Lokhu kuphume edale lephalamende ngoMvulo kukhomithi ebona ngezamafekithali lokuthengiselana.
Umphathintambo wezamafekithali uMnu. Welshman Ncube uthe ibhanga le Germany i-KFW lenkampani ye China iSinosure afuna imali yawo ngamehlo abomvu efika phose amakhulu amane amadollar eMelika - $400 million.
Umnu. Walter Mbongolwane ingcwethi kwezenotho uthi kumele uhulumende we Zimbabwe abhadale isikwelede se Ziscosteel ngenxa yokuthi inkampani ye Essar Africa Holdings kayikaqalisi umsebenzi eRedcliff.
Idale le cabinet livumelane ngeviki ephelileyo ukuthi kumele uhulumende anike iEssar okwenjiwayo okusendaweni ezitshiyeneyo.
Inkampani yamandiya le imise ukubhadala iholo lezisebenzi ezedlula inkulungwane ezintathu ngenxa yokwehluleka kukahulumende ukuthi ayinike okwenjiwayo.
Sokukhangelelwe ukuthi uhulumende ayinikeze imfanelo yayo ese Mwenezi, Ripple Creek le Buchwa Mine.
