WASHINGTON DC —
Kulezitolo lamabhizimusi abikwa esehluleke ukuvula ngoba engaselamali, okwabangelwa yikuvalwa kwelizwe phansi kwemigoqo yokwenqabela ukumemetheka kwegciwane leCoronavirus.
Ukucwayisisa okwenziwe yilumsakazo kuveze ukuba loludubo lubhahe emadolobheni amancane afana leHwange leVictoria Falls lanxa koBulawayo laseHarare lakho kulodubo olufanayo.
Abaphila ngokuthengisa emigwaqweni labo bathi inengi labo alisoze lenelise ukubuyela emsebenzini ngodubo olufanayo.
Umkhokheli wenhlanganiso yabaphila ngokuzisebenza, iBulawayo Vendors and Traders Association, uMnu Michael Mdladla Ndiweni utshele iStudio 7 ukuthi badinga uncedo kuhulumende.