amalinks wokungena

Breaking News

Robert Mugabe: Amanye Amazwe Afana LeMelika Ayakhonya


Umongameli Mugabe

Umongameli Robert Mugabe ngoLwesibili wethule amazwi akhe emhlanganweni wamazwe womhlaba, I United Nations lapho athe khona uyamukela iziqondiso zomanyano lo athi zifana xathu lezomnanyano wamazwe ezwekazi le Africa.

Indikimba yomhlangano lo, wesimatshumi ayisikhombisa ithi “Umhlahlandela olokuthula lelungelo likazulu”.

Umongameli Mugabe uthe lanxa ukuthula kulungele inqubelaphambili ukulwa yikho okwenqabela intuthuko emzaweni amanengi.

Wengezelele esithi ukuhlonipha ilungelo likazulu yisiqokothela soluntu njalo sivekelwa yimigoqo ye United Nations. UMugabe uthe kuyamangalisa ukuthi yena lelizwe le Zimbabwe bafakelwa izijeziso zenotho.

Umongameli Mugabe usole kakhulu Amandla alamanye amazwe awasebenzisa ukuncindezela amazwe asakhulayo.

"Silamanye amazwe asenza omakhonya," kutsho uMugabe.

please wait

No media source currently available

0:00 0:00:14 0:00
Lapho esitholakala khona

UMongameli Mugabe uthe lanxa kulamanye amazwe afana lele Melika azipha Amandla akhona amanye afuna ukusebenzela lawezwekazi le Africa.

UMugabe uthe kuqakathekile ukuthi amazwe wonke aqakathekise ukupha amathuba alingeneyo kwabesifazane labesilisa.

please wait

No media source currently available

0:00 0:00:14 0:00
Lapho esitholakala khona

Ukuhlaziya amazwi kaMongameli Mugabe uChris Gande weStudio Seven uxoxe lesiphathamandla sebandla le Zanu PF, uMnu. Fidelis Fengu othi uMongameli Mugabe wethule amazwi aqakathekileyo.

Kunjalo nje, siphinde saxoxa lomgcinisihlalo webandla leMDC-T ngapha kweleMelika, uMnu. Den Moyo ukuze sizwe imbono yakhen galoludaba.

please wait
Embed

No media source currently available

0:00 0:02:40 0:00
Lapho esitholakala khona

Silokhu sikudaba lunye, uzulu weZimbabwe wamukele ngembono ehlukileyo inkulumo kamongameli Robert Mugabe ayethule emhlanganweni wenkokheli zamazwe omhlaba weUnited Nations General Assembly, eNew York kweleMelika, abanye besola ezinye izigaba zenkulumo le abanye beyisekela. Intathelizindaba yethu uMavis Gama usethulela loludaba ngokugcweleyo.

UMugabe utshele lumhlangano njalo ukuba okudingwa ngamazwe aswelayo, inengi lawo atholakala ezwekazi leAfrica, yikuba aphathiswe ngokusungula amabhizimusi hatshi ukube lokhe benikezwa usizo oluyincosana.

Uphinde njalo wathuka amazwe athuthukileyo, ewabeka umlandu wokusebenzisa indlela yokutholisa usizo, ukuwabamba ngamandla ukuba alandele imikhuba ephambana leyezwekazi leAfrica okubalisa owezitabane.

Abasola inkulumo yakhe bathi okumele ngabe uyakwenza uMugabe yikusebenzisa amathuba aloluhlobo, ukutsho inkinga ilizwe elibhekane lazo lokuthi macebo bani angatholwa yiZimbabwe kwamanye amazwe.

Umnumzana Thulani Mswelanto uthi ukuthuka abanye wena usenkingeni akuphathisi ngalutho.

Uthi uMswelanto okumele kwenziwe ngumongameli yikudinga indlela ezingahuga abafisa ukuzasungula amabhizimusi elizweni, baze lezimali zabo, hatshi ukube lokhe ebathuka.

Umnumzana Thabanai Ncube waseWestlea eHarare laye eyisolile kakhulu linkulumo kamongameli Mugabe.

Ilizwe lidinga usizo kungakho kungasizi ukuba uMugabe abelokhu ethuka abantu banye abafuna ukuzaphathisa ilizwe ngokusungula amabhizimusi.

Ukhangelelwe ukuphindela ekhaya ngoLwesibili umongameli Mugabe ngemva kokukhuluma kwakhe emhlanganweni lo, weUnited Nations General Assembly owenzelwa kweleMelika lanxa lokhe uqhubeka uze uye gqitshwa mhlaka 6 Mfufu.

please wait

No media source currently available

0:00 0:03:59 0:00
Lapho esitholakala khona

XS
SM
MD
LG