Amapholisa athi seqalisile ukulungiselela ukhetho oluzayo njalo athi abazatholakala bebangela udlakela bazajeziswa kabuhlungu.
Umsekeli kasikomitshi wamapholisa uJosephine Shambare uthi akhona amapholisa asephuthulile ezifundweni zokuqhuba ukhetho njalo uthi loluhlelo luyaqhubeka.
Amapholisa ahlezi esetheswa icala lokungabophi abasekeli beZanu PF abayibo ababangela udlakela esikhathini esinengi nxa kulokhetho.
Obona ngokuqoqwa kwenhlelo kuMDC ekhokhelwa nguMnu Welshman Ncube, uMnu Qhubani Moyo uthi ngempela amapholisa kumele athole imfundiso ezakwenza aqhube umsebenzi wawo engathathi hlangothi.
La ngamazwi agcizelelwe yingcwethi ecubungula ezombusazwe uMnu Effie Dlela Ncube, yena othi kunzima ukuthi uzulu athembe okukhulunywa ngamapholisa ngoba elembali yokusekela ibandla leZanu PF.
