amalinks wokungena

Breaking News

Amapholisa Athi uMnu. Tendai Biti Wabotshwa Ngokusemthethweni Njalo Kathunjwanga eZambia


Tendai Biti

Ukuthethwa kwalelicala kuyaqhubeka ngoLwesine lapho amagqwetha kaMnu. Biti akhangelelwe ukubuzisisa uMnu. Nyapasi ngobufakazi bakhe.

Umkhokheli womanyano wamabandla aphikisayo oweMDC Alliance, njalo eyisiphathamandla sePeople’s Democratic Party uMnu. Tendai Biti ubikwa wabotshwa ngokusemthethweni emngceleni weZimbabwe leZambia, ekuhlangothi lweZimbabwe.

Lokhu kuvezwe lipholisa elambophayo, uMnu. Jealous Nyapasa obesipha ubufakazi emthethwandaba kamantshi eHarare ngoLwesithathu.

UMnu. Biti wetheswa icala lokutshotshozela udlakela ngemva kokhetho kanye lokumemezela impumela yalo, ikhomishini elelungelo lokwenzenjalo, eyeZimbabwe Electoral Commission ingakakwenzi lokhu.

Wabalekela kweleZambia ukuyadinga ubuphepheli esithi wesabela impilo yakhe ngoba kulabantu abadubula emoteni yakhe labazama ukumthumba.

UMnu. Biti uthe akufanelanga athonisiswe icala aletheswayo ngumthethwandaba weZimbabwe ngoba wathunjwa ekweleZambia lapho ayedinga khona ubuphepheli. Uthi kufanele abakulelolizwe ngoba umthethwandaba waphezulu eZambia wanquma ukuthi engabuyiselwa eZimbabwe.

Igqwetha lakhe uMnu. Harrison Nkomo uyawaphika amazwi kaMnu. Nyapasi, esithi ngempela wathunjwa ngodlakela uMnu. Biti.

Ukuthethwa kwalelicala kuyaqhubeka ngoLwesine lapho amagqwetha akhangelelwe ukubuzisisa uMnu. Nyapasi ngobufakazi bakhe.

Facebook Forum

XS
SM
MD
LG