amalinks wokungena

Breaking News

Amapholisa Atshaya Intathelizindaba


UMnu. Obey Manaiti, intathelizindaba ye phephandaba leNewsday, elingaphansi kwenkampani yeAlpha Media Holdings ( AMH ), otshaywe kabuhlungu ngamapholisa.

NgoLwesine kubotshwe intathelizindaba ezine zephephandaba leNewsday ezibhaxabulwe kabuhlungu ngamapholisa beqhuba umsebenzi wazo.

Sikhulumakanje abane laba lokhe besenkambeni ye Harare Central Police Station.

Ukubotshwa kuka Obey Manayiti, uAbigail Matsikidze, othatha imifanekiso, uSheperd Tozvireva kanye lobetshayela imota u Raphael Phiri, kusolwe kakhulu ngabenhlanganiso yentathelizindaba, ezimbalwa okugoqela eye Young Journalist Association (YOJA) esanda kubunjwa.

Okhangelelwe ukuba ngumgcinisihlalo we YOJA, uMnu. Mlondolozi Ndlovu, uveze ukukhathazeka kwakhe, ngalesi sehlakalo.

UManaiti, omunye wababotshiweyo nguye ukhangelelwe ukuthatha isikhundla sokuba ngumgcinisihlalo walenhlanganiso.

Ubikwa etshaywe kabuhlungu ngabacatshangelwa ukuba ngamapholisa asebenza nsitha lapho yena labanye bakhe bezama ukuthatha imifanekiso yamapholisa ehluphana lozulu kuphoselwa insimbi ezisetshenziswa ukumisa imota, edolobheni amaspikes.

Lokhu kusolwe kakhulu nguNdlovu.

Imbiko esisanda kuyamukela iveza ukuba abane laba bacine sebekhululwe bonke.

Abane laba bamelwa nguMnu. Ngonidzashe Ngodza, osebenza phansi kwenhlanganiso yamagqwetha alwela ilungelo loluntu, eye Zimbabwe Lawyers for Human Rights.

Facebook Forum

XS
SM
MD
LG