WASHINGTON —
Umthethwandaba wakwele South Africa wethule isinqumo sokunikeza amapholisa alelolizwe ilungelo lokubopha izizalwane ze Zimbabwe eziyabe zephule ilungelo loluntu elizweni lazo.
Inhlanganiso yeSouthern African Human Rights Litigation Centre imanyane le Zimbabwe Exiles Forum zikhweze loludaba emthethwandaba zisithi zilobufakazi bokuthi kuleziphathamandla zeZimbabwe ezaphatheka ekuhlukuluzeni uzulu ngomnyaka ka 2007.
Umthethwandaba we Court of Appeals ugcizelele ubufakazi benhlanganiso lezi ezikhweze loludaba okugoqela ukutshaya abantu ngengodo, ukutshisa ngamandla kagetsi lokugalulisa abantu.
Uhulumende weZimbabwe uyalandula lobu bufakazi. Ngomnyaka odluleyo umongameli Mugabe ucebise ibandla le ANC elibusayo kwele South Africa ukuthi lilahle loludaba kodwa lona lathi lilandela umthetho njalo alenelisi ukwesula isinqumo somthethwandaba.
Umthethwandba lo uthi ilizwe le South Africa lilomlandu wokucubungula indaba zokwephulwa kwelungelo likazulu phansi kwemithetho yomhlaba. Umtshutshisi omkhulu welizwe, uMnu. Johannes Tomana utshele iStudio Seven ukuthi isinqumo somthethwanda lo asilancedo.
Kodwa ingcwethi ecubungula ezemithetho, uMnu. Matshobana Ncube utshele uChris Gande we Studio Seven ukuthi umthethwandaba we South Africa ulawo amandla okubopha izizalwane zeZimbabwe ezephula ilungelo likazulu.
Inhlanganiso yeSouthern African Human Rights Litigation Centre imanyane le Zimbabwe Exiles Forum zikhweze loludaba emthethwandaba zisithi zilobufakazi bokuthi kuleziphathamandla zeZimbabwe ezaphatheka ekuhlukuluzeni uzulu ngomnyaka ka 2007.
Umthethwandaba we Court of Appeals ugcizelele ubufakazi benhlanganiso lezi ezikhweze loludaba okugoqela ukutshaya abantu ngengodo, ukutshisa ngamandla kagetsi lokugalulisa abantu.
Uhulumende weZimbabwe uyalandula lobu bufakazi. Ngomnyaka odluleyo umongameli Mugabe ucebise ibandla le ANC elibusayo kwele South Africa ukuthi lilahle loludaba kodwa lona lathi lilandela umthetho njalo alenelisi ukwesula isinqumo somthethwandaba.
Umthethwandba lo uthi ilizwe le South Africa lilomlandu wokucubungula indaba zokwephulwa kwelungelo likazulu phansi kwemithetho yomhlaba. Umtshutshisi omkhulu welizwe, uMnu. Johannes Tomana utshele iStudio Seven ukuthi isinqumo somthethwanda lo asilancedo.
Kodwa ingcwethi ecubungula ezemithetho, uMnu. Matshobana Ncube utshele uChris Gande we Studio Seven ukuthi umthethwandaba we South Africa ulawo amandla okubopha izizalwane zeZimbabwe ezephula ilungelo likazulu.
