amalinks wokungena

Breaking News

Amapholisa kaKhansili yeHarare Abhidliza Amavinkili eMbare


Amapholisa kamanisiphala weHarare emanyene lakahulumende labasesisotsheni, abhidlize amavinkili lamabhizimusi amancane emzini weMbare esithi ngoba akhiwe ngokungekh emthethweni.

Lokhu kuza ngemva kokuba ikhansili yethule umbiko enkundleni yokukhulumisana eyebulenjini eye Twitter ngeviki edluleyo isazisa izakhamizi zeMbare ukuthi ikhansili izabhidliza leyo miduli.

Ukubhidlizwa kwamavinkili lokhu kuqalise izolo kwaqhubekela phambili namhlanje lapho amasotsha abekhokhela izisebenzi zikakhansili ukubhidliza lezi zakhiwo.

Kodwa okudanise uzulu yisandla esilukhuni sabebutho kulolu hlelo bona bevele bengamelanga baphatheke kulo.

Ukhansila weHarare uMnu. Thamsanqa Hadebe uthi bekubalulekile ukuthi ikhansili ikhulumisane labanini balawo mavinkili ukwenzela ukuthi abantu bengalahlekelwa yimpahla.

“Ngimele abantu lokhu okwenzakalayo bekufuna isikhathi lokukhulumisana phakathi kwabantu abadilizelwe izinto layo ikhansili ngokwayo kodwa lokhu kuphezulu kwamandla ekhansili ngokwayo ngoba ngumbiko owasukela kuhulumende”

Uqhubeke ethi kulusizi ukuthi abantu sebelahlekelwe yimpahla ebiza imali enengi ngoba abazange bathole isikhathi eside sokuthi bakhuphe impahla zabo emavinkilini la kuhle.

“Izinto kathesi uzulu ziyamhlupha ngoba izinto zibanzima ngoba sisuka esimeni sokuthi izinto zikhwele intengo uzulu engakhangelelanga njalo engalungiselelanga. akukabi lentshintsho engenza baphefumule kakuhle, kunzima kakhulu , kuzangezelela ubunzima kuzulu ngalokhu kudilizelwa izinto

Imizamo yokukhulumisana leskhulumeli sekhansili ye Harare umnunzana Michael Chideme yehlule ngemva kokuba umakhalekhukhwini wakhe ubecitshiwe.

Kodwa abakhulume lestudio 7 bathi bekungasiwo msebenzi wamasotsha ukuthi axotshanisane labantu ngale indlela.

UMnunzana Keith Maziva isakhamuzi seHarare uthe amasotsha asehlukumeza uzulu kusukela kumaviki amabili adluleyo ngemva kodlakela olwenzakala ekutshengiseleni kwabantu ngokungayi emsebenzini obe kuqoqwe ngabenhlanganiso yezisebenzi eye Zimbabwe Congress of Trade Unions.

“Thina asiyali ukuthi ikhansili ilomlandu wokuthi ilungise idolobho leHarare libe lihlanzekile,kodwa lokhu osokwenziwa ngamasotsha ukuthi bathathe umsebenzi wamaphilisa kakhansili ehamba etshaya abantu , lokhu kusitshengisa ukuthi akusela mthetho elizweni , so thina asivumelani lakho , ukhansili nguye olomlandu walokhu ‘

Omunye odilizelwe ivinkili lakhe ngu Mnu Admire Matambo yena osole kakhulu uhulumende ngesinqumo asithetheyo.

Loba nje ikhansili isithi isinqumo sokubhidlizwa kwamavinkili amancane emzini weMbare sivele kuhulumende akulambiko ovele kuhulumende oveza ukuba nguye osithetheyo.

Imizamo yokukhulumisana lesikhulumeli sikahulumende uNkosikazi Monica Mutsvangwa yehlule kuthi umsekeli wakhe uMnu. Energy Mutodi ube engasabeli ucingo.

Kusenjalo u Meya wedolobho le Harare ukhansila Herbet Gomba namhlanje ukhuthaze ukuba amalunga edale lephalamende aguqule umthetho ukuze kube lula ukuthi amakhansili adilize izakhiwo eziyabe zakhiwe ngokungekho emthethweni engaqalanga aya dinga imvumo emthendwandaba.

Facebook Forum

XS
SM
MD
LG