amalinks wokungena

Breaking News

Amapholisa Kwele Taiwan Abopha Owayengumqondisi we Intermarket Bank Odingwa eZimbabwe


Amapholisa eTaiwan akugatsha lwenhlanganiso yamapholisa emhlabeni jikelele, awe Interpol abikwa ukuthi asebophe uMnu. Nicholas Vingirai owabaleka eZimbabwe ngomnyaka ka 2004 esetheswa icala lokubhidliza inotho yebhanga lakhe kanye lokugcina emazweni kungela mvumo yebhanga elikhulu lelizwe ele Reserve Bank izigidi ezedlula itshumi lamadollar eMelika.

Loba nje amapholisa eZimbabwe eyalile ukukhuluma ngodaba lolu kubikwa ukuthi uMnu. Vingirai uvalelwe esitokisini sedolobho leTaipei lapho amelele ukubiselwa kwele Zimbabwe.

UMnu.Vingirai owafakelwa izijeziso zenotho nguhulumende weZimbabwe kodwa zesulwa nyakenye, ubelokhe edingwa ngamapholisa esetheswa icala lokugcina imali okungela mvumo emazweni.

Amapholisa aweInterpol abikwa ezambisela kwele Zimbabwe ngoLwesihlanu.Ingcwethi kwezenotho uMnu. Walter Nsununguli Mbongolwane uthi uVingirai ulakho ukuveza konke okwenzakalayo kuze kudilike inotho yelizwe kulandela ukubhidlika kwamabhanga.

XS
SM
MD
LG