amalinks wokungena

Breaking News

Amalunga Enhlanganiso Zokuthengiswa Kwamadhayimana Afika eZimbabwe


Amaqula enhlanganiso ezintathu ezibona ngezokwenjiwa langokuthengiselana amadayimana asefikile kwele Zimbabwe ekusungulweni okusemthethweni kokuthengiswa kwamatshe aligugu enjiwa eMarange, ngoLwesithathu.

Amaqula la abunjwa ngabamela inhlanganiso ezigoqela iAfrican Diamond Producers Association elilezithunywa zamazwe atshiyeneyo ezizebona ukuthi ilizwe lenza njani ngokwemba amadayimana, lele Kimberly Certification Process Review Team ehlolisisa ukuthi iZimbabwe isikusibanga siphi sokuthi ivunyelwe ukuthengisa amadayimana amanengi kwamanye amazwe.

Omele iKimberly Certification Process, uMnu. Abbey Chikane, laye sefikile eZimbabwe lequla lakhe ukuzekupha ilizwe imvumo yokuthengisa amadayimana eMarange okusemthethweni, kusukela ngoLwesithathu.

Umphathintambo kahulumende obona ngezemigodi, uMnu. Obert Mpofu, uthi wenze umhlangano ngoMvulo lezithunywa zamazwe atshiyeneyo esezilubhekise eMarange ukuyabona ukwenjiwa kwamadayimana.

U Mpofu utshele uGibbs Dube we Studio 7 ukuthi imali ezatholakala ngoLwesithathu kungathengiswa amadayimana eMarange izaphiwa ukulumende womanyano okhala ngokuswela imali yokuthuthukisa inotho ye lizwe.

‚Äč
XS
SM
MD
LG