amalinks wokungena

Breaking News

Amasenior Doctors eZimbabwe Atshengisele eHarare Ekhonona kuHulumende Ukuthi Awengezelele Iholo.


Odokotela betshengisela eHarare

AmaSenior doctors, bamanyane labodokotela abasanda kugqiba izifundo amaJunior doctors bafole besuka esibhedlela seParirenyatwa beqonde edale lephalamende lapho abatshiye incwadi yezikhalazo zabo ezigoqela ukufuna ukwengezelwa iholo, ukulungisiswa kwesimo ezibhedlela lokubiselwa emsebenzini kwabodokotela abaxotshwa umsebenzi.

Ekhuluma le ntathelizindaba unobhala waboDokotela uMnu Aaron Musara uthe benelise ukuyatshiya incwadi yezikhalazo edale lephalamende njalo balethemba ukuba amalunga aleli dale azangenela kulokhu kufuthelana phakathi kwabo lomqatshi.

“Sitshiye incwadi yethi yezikhalazo kumkhulu wephalamende. Sesibuyela ukuya lapho esiqalele khona esibhedlela seParirenyatwa”

Udokotela Masimba Ndoro omunye wabakade besekutshengiseleni kwanamhlanje uthi balethemba ukuba amalunga edale lephalamende azalalela izikhalazo zabo.

“Namhla lilanga lesi 94 selokhe sakhalala umsebenzi. Namhla kutshiywe incwadi ngabo Dokotela abatsha labadala. Sesithemba ukuba idale lephalamende lizancedisa ukuba uhulumende azwe isikhalazo zethu njenge lizwe”

UNdoro uphinde wagcizelela ukuba balesifiso sokubuyela emsebenzini kodwa bafuna uhulumende alungisise isimo esisezibhedlela ukuze kusebenzeke.

“Sibona angani lokhu okwenzakala elizweni sokufuze kukhangelisiswe. Udubo lolu lukhathaza wonke umuntu. Abameli bedale lephalamende kabakhangelisise loludaba. Siyafuna ukubuyela ezibhedlela kodwa asila okokusebenzisa, kufuze kulungiswe lokhu”

Ingcwethi kwezombusazwe uMnu Thabani Dube uveze ukuba idale lephalamende alisoze lenelise ukubasiza ngalutho esithi bazathola impendulo abayithola kumphathintambo zezempilakahle.

“Angiboni ukuthi kulosizo abazaluthola lapho abahambise khona iszikhalazo zabo. Kungaphezu kwamaadla ephalamende lokhu. Lokhu abakutshelwa nguMinister yikho abazakuthola ephalamende. Siphakathi kobunzima obukukhulu.”

Umpathintambo wezempilakahle umnu Obediah Moyo izolo utshele intathelizindaba ukuba uhulumende uphakathi kokukhulumisana labodokotela ngezikhalazo zabo ezigoqela ezeholo, okuyinto engeke yalungisiswa ngelanga elilodwa.

Isimo ezibhedlela zikahulumende siqhubeka sisiba sibi ngamandla ngoba kungela sizo oluvela kuhulumende selokhu oDokotela baqala ukukhalala umsebenzi.

Ukumanyana kwabodokotela asebehleli emzebenzini labasandagqiba izifundo betshengisela kwenzakala ngesikhathi abasandagqiba izifundo sebebelenyanga ezedlula ezintathu bekhalala umsebenzi abanye sebaze baxotshwa lomsebenzi.

Ukumanyana kwabodokotela asebehleli emzebenzini labasandagqiba izifundo betshengisela kwenzakala ngesikhathi abasandagqiba izifundo sebebelenyanga ezedlula ezintathu bekhalala umsebenzi abanye sebaze baxotshwa lomsebenzi.

Facebook Forum

XS
SM
MD
LG