amalinks wokungena

Breaking News

Zimbabwe Army: Lingagqoki Impahla Zethu


UJah Prayzah owavunyelwa ukugqoka impahla zebutho.
UJah Prayzah owavunyelwa ukugqoka impahla zebutho.

Ibutho leZimbabwe selethule umbiko okhumumbuza uzulu ukuthi kulicala ukugqoka impahla ezilombala wempahla zabo kulandela ukumemetheka kwabazigqokayo.

Isikhulumeli sabo, uLieutenenant Colonel Mafios Makotore, wethule umbiko othi uzulu kumele angagqoki impahla le ngoba phansi komthetho weDefence Act kulicala.

UMakotore wengezelele esithi banengi kakhulu abantu abagqoka impahla le, ikakhulu ngesikhathi seKhisimusi.

Uphinde wathi izigilamkhuba zigqoka limpahla besezisenza ubusela lobutsotsi obumangalisayo. Umhlabeleli olodumo, uJah Prayzer leqembu lakhe, yibo abavunyelwa ukugqoka limpahla.

Abanye ngabathi inengi labantu lilingisela uJah Prayzer osedumile kulez’insuku.

Ukuhlaziya loludaba iStudio 7 ixoxe lelunga ledale lephalamende, uMnu. Price Dubeko Sibanda, owebandla leMDC-T.

"Ngingathi … lowo ngumthetho okhanya ukhona. Kukhanya njalo lowo mthetho waqalisa kudala," kutsho uSibanda.

please wait

No media source currently available

0:00 0:02:18 0:00
Lapho esitholakala khona

XS
SM
MD
LG