amalinks wokungena

Breaking News

Amasotsha Atshaya Amapholisa eHarare


Amasotsha atshaye amapholisa okumangalisayo eHarare.

Udaba lokutshaywa kwamapholisa eHarare ngamasotsha ngoLwesibili lungene edale lephalamende ngoLwesithathu lapho amalunga alelidale abuzisise khona umphathintambo wezomvikela uMnu. Sydney Sekeramayi ukuthi kuyini okubangele udlakela lolu.

Ukufuthelana phakathi kwamasotsha lamapholisa la kubikwa kuqalise ngemva kokuba amapholisa empontshise imota yelinye isotsha ngameva awensimbi, ama-spikes.

Lokhu kucaphule amasotsha aseqoqana angena edolobheni leHarare amanengi ebhaxabula amapholisa kakubi.

Ephendula imbuzo yamalunga edale ngaloludaba, uMnu. Sekeramayi uthe laye ukhathazekile ngesehlakalo lesi.

Uthembise ukuthi uzalucwayisisa aphenduke lempendulo edale. Umsakazo weStudio 7 utshelwe ukuthi kulamapholisa ayisithupha alimeleyo.

NgoLwesithathu amasotsha ake abonakala equma edolobheni eliqembu. Kodwa akucacanga ukuthi ebezihambela nje kumbe ebejonge olunye udlakela.

Isikhulumeli sebutho, uMnu Alphios Makotore, kaphendulanga imbuzo esimthumele yona.

Isikhulumi samapholisa uNkosikazi Charity Charamba yena ubengadobhi ucingo lwakhe.

Facebook Forum

XS
SM
MD
LG