Izakhamizi ze Tsholotsho eMatabeleland North zithi sokulamasotsha lalabo abaziwa ukuthi bavikela ibandla le ZANU PF amaMilitia abahlomileyo ababonakala bebhoda bhoda endaweni ezinengi esabelweni lesi kungaziwa ukuthi badingani.
Osebenzela inhlanganiso ezimeleyo njalo eyisakhamuzi se Tsholotsho uMnu. Zenzo Ndawana uthi izakhamizi zitshaywa luvalo lokuthi amasotsha la labanye babo ababhoda emizini yabantu makhaza kabatsho lutho loba nje uzulu ecabangela ukuthi badinga ontanga labasakhulayo abangangeniswa kubutho lelizwe.
UNdawana uthi lokhu sokubakhumbuza ibutho le Five Brigade elabulala abantu abanengi eMatabeleland le Midlands ibandla le ZANU PF lisalwisana lele PF ZAPU elalikhokhelwa ngumuyi uJoshua Nkomo owacina sengumsekeli kamongameli Robert Mugabe ngesikhathi sempi yeGukurahundi.
Izakhamizi ze Tsholotsho zibikwa zifuna ukuthi amasotsha la asuswe.
