Amasotsha Lamapholisa Atshaya Abaphume Ezindlini koBulawayo Kusananzwa Uhlelo lweLockdown Olokuvikela iCoronavirus

Amapholisa lamasotsha ngoLwesine abikwa abebopha ababhoda-bhoda edolobheni lakoBulawayo njalo etshaya abanye, ngesikhathi uhulumende enqume ukuthi abantu behlale ezindlini ukwenzela ukwenqabela ukumemetheka kwegcikwane leCoronavirus.

Uhulumende uthi abantu bazahlala ezindlini okwamalanga angamatshumi amabili lanye, njalo ngoLwesine bekulilanga lesine.

Abaphumayo kufanele babe lobufakazi bokuthi benza okuqakathekileyo; njengokuya ezibhedlela, kumbe ukuyadinga ukudla ezitolo eziseduzane lemizi yabo.

Lanxa inengi belihleli ezindlini ekuqaleni kwaloluhlelo, abanye sebeqalisa ukuphuma phandle baye lemadolobheni.

Asenelisanga ukukhuluma lamapholisa ngaloludaba.

UMnu. Edwin Ndlovu, isiphathamandla sebandla leMDC, ongusomabhizimusi, uthi uzibonele ngakwakhe amapholisa lamasotsha ebopha njalo etshaya abantu.

Embed share

Ingxoxo loMnu. Edwin Ndlovu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:33 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala