amalinks wokungena

Breaking News

Intuba Zama Toll Gates Zibuthanisa Imali Yokulungisa Imigwaqo


Umphathintambo wogatsha luka hulumende lwezemali uMnumnzana Tendai Biti uthi intuba zamaToll Gates asemgwaqweni emikhulu eZimbabwe abuthanisa inkulungwane ezingamakhulu amathathu lamatshumi amahlanu zamadollar eMelika-US$350,000 ngeviki.

Esethula uhlelo oluphathelane lokuthuthukisa inotho yelizwe okwemnyaka embili ezayo, uBiti uthi ingxenye enkulu yemali le inikwa maviki wonke uhlangothi lukahulumende olubona ngezemgwaqo iZimbabwe National Road Authority.

Imigwaqo yelizwe yagugudeka okwamagama ngesikhathi ibandla leZanu PF lisabusa lodwa kungakabunjwa uhulumende womanyano.
Abantu abalezimota ezincane babhadala idola elilodwa leMelika kuthi-ke imota ezinkulu zihlawuliswe amadola amathathu eMelika ukwenzela ukudlula ngasikhathi sinye besiya endaweni esitshiyeneyo.

Ingcwethi ecubungula ezenotho uMnumzana Rejoice Ngwenya utshele uGibbs Dube we Studio 7 ukuthi imali le etholwa entubeni zamaTollgates lezi incane kakhulu ngakho kumele abantu abalezimota bahlawuliswe imali ethe xaxa ukwenzela ukuthi kubuthaniswe imali yokulungisisa imigwaqo engahambekiyo.

‚Äč
XS
SM
MD
LG