amalinks wokungena

Breaking News

Amazwe Entshonalanga Amadolonzima Ekuphathiseni Uhulumende kaMnangagwa


UMongameli Emmerson Mnangagwa labasekeli bakhe

Ekuqhubekeni kokuqonga kwentengo yempahla ezitolo lokusilela kwemali emabhanga, sokulemibuzo eminengi ngokungenziwa nguhulumende kaMongameli Emmerson Mnangagwa ekuqedeni okutshiyeneyo elizweni.

Uhulumende kaMnu. Robert Mugabe wayesithi ukukhuphulwa kwentengo lokusilela kwempahla ezitolo kwakubangelwa yilabo ababefuna ukugenqula uhulumende wakhe, okuthiwa yi-regime change ngeSilungu.

Kodwa osekumangalise abanye yikuthi uhulumende kaMnangagwa ubeyamukelwe ngezandla zombili ngabamazwe angentshonalanga kodwa umnotho uqhubeka usiya nganxele.

Owayengumkhokheli wenhlanganiso yezisebenzi, eyeZimbabwe Congress of Trade Unions, uMnu. George Nkiwane, uthi intengo ezitolo ilokhu ikhuphuka njalo lemali emabhanga ayitholakali lula.

Abanye sebesenza ukuhlala besemzileni wamabhanga ingxenye yempilo yabo.

Ingcwethi ecubungula ezomnotho, uMnu. Bhekilizwe Bernard Ndlovu, utshele iStudio 7 ukuthi amazwe awentshonalanga akhanya esebophe izamba esamelele impumela yokhetho oluzenziwa njengandlela yokubona ukuthi kungathathwa nyathelo bani kudaba lokuphathisa iZimbabwe.

Abalezihlobo labangange kwele South Africa sebephila ngokuthunyelwa imali lempahla ngenxa yokuqonga kwenyentengo ezitolo.

Esinye isizalwane seZimbabwe esihlala eJohannesburge kwele South Africa, uMnu. Cassius Jayz Simana Mpofu, uthi banengi abathumeze impahla eZimbabwe ngenxa yokuqonga kwentengo ezitolo.

UMongameli Mnangagwa uthi ilizwe le Zimbabwe livuliwe amasango okwenza ibhizimusi yikho ekhangelele ukuthi kuzakubangcono.

Kodwa amazwe omanyano we European Union kanye leleMelika elokhu emadolonzima ekuphathiseni uhulumende wakhe.

please wait

No media source currently available

0:00 0:05:28 0:00

Facebook Forum

XS
SM
MD
LG