amalinks wokungena

Breaking News

Amazwe Entshonalanga Asebuyele Embukisweni we ZITF


Umbukiso omkhulu wezamabhizimusi owe Zimbabwe International Trade Fair ukhangelelwe ukuthi uqalise ngoLwesibili koBulawayo. Amankampani amanengi awemazweni abalisa oItaly, Germany kanye le Poland abengasabuyi kulumbukiso eminyakeni esanda kwedlula abikwa esephendukile lonyaka.

Unkosikazi Nomathemba Ndlovu obona ngezokuthengiselana lokudlelana le nhlanganiso ye ZITF uthi amankampani emazweni la abuye ngobunengi bawo njengalokho ayekwenza inotho yelizwe isaqinile.

Unkosikazi Ndlovu uthi amankampani avela kwele China yiwo akhanya emanengi kakhulu eZITF lonyaka njalo kukhangelelwe ukuthi kuzabe kulabosomabhizimusi abanengi abavela kulelolizwe.

Uphinde wathi okwamanje amankampani asethethe phose indawo yonke yokubukisela impahla.

Kukhangelelwe njalo ukuthi kwenziwe umhlangano omkhulu wabosomabhizimusi ngesikhathi sombukiso lo ophela ngoMgqibelo.

Amankampani edlula amakhulu ayisitshiyangalombili ayesembukisweni lo ngomnyaka ophelileyo.

XS
SM
MD
LG