amalinks wokungena

Amazwi KaMnu. Jonathan Moyo Awokuhuda Acunula Abalegcikwane leHIV

  • Chris Gande

Usikhwicamfundo Jonathan Moyo

Inhlanganiso ezilwela ilungelo labaphila legcikwane leHIV sezisole amazwi kamphathintambo wezemfundo yaphezulu, uSikhwicamfundo Jonathan Moyo awethule ebulenjini be Twitter esithi abanatha amaphilisi okwenqabela igcikwane le HIV balakho ukuhlanza lokuhuda.

Inengi lithethe imbiko le ngendlela yokuthi uMoyo ubethuka umsekeli kamongameli welizwe, uMnu. Emmerson Mnangagwa, ngoba nguye osanda kugula. Wahlanza njalo wahuda emhlanganweni we Gwanda Youth Interface Rally ngenyanga edluleyo.

Abaphila legcikwane labo bathi amazwi la ayabagcona.

Olwela ilungelo labalegcikwane le HIV, uNkosazana Martha Tholana, uthi lanxa uMoyo esaziwa njengomuntu olenkulumo elensiba zenungu, amazwi kaMoyo la amethusile.

Abanye abafana lomela iNorton edale lephalamende, uMnu. Themba Mliswa, baphendule uMoyo ngamazwi aqatha besithi utshengise ukungabe lonembeza. Sixoxe lolwela ilungelo likazulu, uMnu. Bekezela Maduma Fuzwayo othi amazwi kaMoyo atshengisa ukungahloniphi.

“Ungayibala kuhle itweet yakhe, esayidini yakhe ibi specific into ayikhulumayo ngomuntu akhuluma ngaye ukuthi hayi bantu uthi yena wafakelwa,” kutsho uFuzwayo.

Facebook Forum

XS
SM
MD
LG