amalinks wokungena

Breaking News

Amnesty International: Ukwephulwa Kwelungelo Loluntu Kuyaqhubeka EZimbabwe


Amnesty International

Embikweni ewethule ngoMvulo inhlanganiso le inike izibonelo ezitshiyeneyo ekhomba ukuhlukuluzwa kwamalunga amabandla ezombusazwe, abalwela ilungelo loluntu, kanye labadilizelwa izindlu.

Inhlanganiso elwela ilungelo loluntu eye Amnesty International ithi eleZimbabwe lokhu lisephula ilungelo loluntu lanxa kulesisekelo sombuso esitsha esenqabela lokhu.

Embikweni ewethule ngoMvulo iAmnesty International ithi abaphikisana lombono kamongameli Robert Mugabe bayahlukuluzwa kumbe bebotshwe mahlayana.

Isiphathamandla salinhlanganiso esigabeni se Southern Africa uMnu. Simeon Mawaza uthi uhulumende kaMugabe kufanele avumele abantu bekhulume imbono yabo bekhululekile, esule isigwebo sogodo, kanye lokudilizela abantu izindlu ezibikwa zingakhiwanga ngokusemthethweni, ngoba abantu bengelazo indawo zokuhlala kumbe ukusebenzela. Uthi labo abadilizelwa izindlu kufanele behlawulwe.

Inhlanganiso le inike izibonelo ezitshiyeneyo ezikhomba ukuhlukuluzwa kwamalunga amabandla ezombusazwe, abalwela ilungelo loluntu, kanye labadilizelwa izindlu.

Ukuze sihlaziye loludaba, sixoxe loMnu. Joel Gabhuza, umsekeli wesikhulumi kucele le MDC elikhokhelwa nguMnu. Morgan Tsvangirai.

UMnu. Gabhuza utshele uSithandekile Mhlanga weStudio 7 ukuthi kufanele uhulumende alungise ikhomishini entsha eye Human Rights Commission ezakwenqabela ukwephulwa kwesisekelo sombuso esitsha.
please wait

No media source currently available

0:00 0:02:08 0:00
Lapho esitholakala khona
XS
SM
MD
LG