amalinks wokungena

Breaking News

Inhlanganiso yeAmnesty International Incoma Ilizwe leZimbabwe Ngokungalengisi Izibotshwa


Abenhlanganiso ebona ngokulondolozwa kwamalungelo oluntu emhlabeni jikelele, abe Amnesty International, bathi inyathelo lokususwa kwabalitshumi ababegwetshelwe ugodo, sekuthiwa bazohlala impilo yabo yonke besejele, yisibonelo esihle esikhombisa ukuba iZimbabwe isendleleni yokwesula isigwebo sokulengisa.

Lokhu ngokunye kokukumunyethwe embikweni ojulileyo osanda kwethulwa yinhlanganiso le eyenze ucwaningo oluveza okwenzakala emhlabeni wonke jikelele kwezokulondolozwa kwelungelo likazulu.

Umbiko lo ubuhlolisisa ikakhulu isigwebo sokulengiswa esisolwa ngamazwe amanengi.

Inhlanganiso le iveza ukuba lanxa eleZimbabwe lilokhe liselawo lumthetho, akulamuntu oseke walengiswa kusukela ngomnyaka ka2005 kuze kulengiswe okusemthethweni uStephen Chidhumo lo Edgar Masendeke, amasela ayebulala abantu ngemva kokubantsholela.

Isiphathamandla seAmnesty International, uMnu. Lloyd Kuveya, uthi kungalesi sizatho belethemba lokuba sizosuswa lesi sigwebo eZimbabwe.

UKuvheya uthi Inhlolisiso abayenza emazweni akuzwekazi leAfrica iveza ukuba kunganeno ngasesigabeni sangezansi lanxa amanye amazwe abalisa ele Zimbabwe le Zambia elokhe elawo umthetho wesigwebo sogodo.

UMnu. Bekezela Gumbo, ingcwethi yezokucubungula ezombusazwe kunhlanganiso yeZimbabwe Democracy Institute, uthi lanxa evumelana lombono wokuba sesulwe isigwebo sogodo, makube yinto eyenziwa ngemva kokuba abantu bephiwe ithuba lokutsho imibono yabo.

Abe Amnesty International bathi kumele sesulwe lesi sigwebo emazweni wonke jikelele.

Udaba Esilethulele NguMavis Gama
please wait

No media source currently available

0:00 0:04:10 0:00

Facebook Forum

XS
SM
MD
LG