amalinks wokungena

Breaking News

Ibandla leANC Lethulela Umdeni Kamuyi uWinnie Madikizela-Mandela Amazwi Enduduzo


Abesifazana abakubandla leAfrican National Congress

Amalunga edale laphezulu lenkokhlei ebandleni le African National Congress abesemzini kamuyi uNkosikazi Winnie Madikizela-Mandela lapho abethule khona amazwi enduduzo imuli yakhe kulandela ukubhubha kwakhe ngoMvulo ngemva kokugula okwesikhathi eside.

Umfanekiso kamuyi uNkosikazi Winnie Madikizela-Mandela.
Umfanekiso kamuyi uNkosikazi Winnie Madikizela-Mandela.

Amalunga ebandla leli abegcwele phamu emzini kaNkosikazi Madikizela-Mandela, elokitshini leOrlando eSoweto eJohannesburg, lapho kufika iziphathamandla zeANC zizokhulumisa imuli.

Umsekeli kamongameli welizwe, uMnu. David Mabuza, utshele umbuthano lo ukuthi UNkosikazi Madikizela-Mandela uhlonitshwe phose ngumhlaba wonke.

uMabuza uthe ngenxa yobunengi babantu abafuna ukuvalelisa umuyi, inkonzo yomngcwabo uthi izaqhutshelwa enkundleni ye-Orlando Stadium mhlaka 14 Mabasa.

Abanye abantu abasenduduzweni kamuyi uNkosikazi Winnie Madikizela-Mandela.
Abanye abantu abasenduduzweni kamuyi uNkosikazi Winnie Madikizela-Mandela.

Esinye isiphathamandla saleli bandla, uMnu. Fikile Mbalula, uchaze umuyi njengeqhawe wathi umsebenzi awenza kunkululeko yelizwe kunzima ukuwuqathanisa lemisebenzi yabanye.

“We will have a memorial service, national memorial service kamama eMbizana. Sibulela kakhulu ngenxhaso eliyinike umdeni. Sibulela kakhulu kuyintatheli nabantu abangadinwayo ukuza apa ukuzobonakalisa inxhaso yabo apa kulomzi.

Amazwi la agcizelelwe yisikhulumeli semuli kamuyi, uMnu. Themba Mathanzima, obonge kakhulu uzulu emhlabeni jikelele ngokuzwelana lemuli ngesikhathi ifelwe.

Iziphathamandla zebandla leAfrican National Congress yakwele South Africa ziloba kugwalo lwenduduzo.
Iziphathamandla zebandla leAfrican National Congress yakwele South Africa ziloba kugwalo lwenduduzo.

“Umama wethu ubelilunga elidala leANC. Imbeko elisinike yona siyayibulela kakhulu. Nesupport elisinika yona siyayibulela kakhulu. Siyathembisa ukuthi sizasebenzisana kude kube ukhatshiwe ngeyi 14th.”

Kusenjalo, uhulumende wakwele South Africa uthi amalungiselelo omgcwabo asekubanga eliphezulu njalo konke kuhamba kahle.

Umphathintambo wogatsha lokufezwa kwenhlelo zikahulumende, uNkosazana Dlamini-Zuma, utshele abezindaba ukuthi amalanga okuzila azaqhubeka umuyi aze angcwatshwe mhlaka 14. Uthi phakathi kweviki ezayo kuzaqhutshwa inkonzo zenduduzo ezabelweni ezitshiyeneyo, besekusenziwa enkulu yakhona mhlaka 11.

Facebook Forum

XS
SM
MD
LG