amalinks wokungena

Breaking News

ARTUZ: Sisola Uhulumende Ngokutshaywa kukaObert Masaraure


UMnu. Obert Masaraure
UMnu. Obert Masaraure

Inhlanganiso elwela amalungelo ababalisi eyeAmalgamated Rural Teachers Union of Zimbabwe-ARTUZ isisole ukuthunjwa lokutshaywa kwesiphathamandla sayo uMnu. Obert Masaraure ngoLwesithathu ebusuku, ngabacatshangelwa ukuthi bathunywe nguhulumende.

UMnu. Masaraure ubikwa ethunjwe ngabantu abakade bethwele imibhobho, njalo imifanekiso esebulenjini ibonisa ukuthi ubhaxabulwe kakubi emhlane.

Lokhu kwenzakala inhlanganiso le igqibe ukutshengisela kwayo ngoLwesithathu ikhalaza ukuholiswa ngemali ye dola leMelika, ngoba isithi intengo yempahla ikhuphuka mihla yonke ezitolo. UMnu. Masaraure utshele iStudio 7 ukuthi inhlanganiso yakhe izahlangana icubungule ukuthi ithathe nyathelo bani ngaloludaba.

Esinye njalo isiphathamandla seARTUZ uMnu. Godfrey Chanda, wabotshwa okwesikhatshana, waphinda wakhululwa ngamapholisa eGweru, wona amcebisa ukuthi engaqoqi imihlangano kumbe akhulume embuthanweni yababalisi kulelidolobho. Asenelisanga ukukhuluma lamapholisa ngaloludaba.

Okunengi ngaloludaba asikuzweni kungxoxo uSithandekile Mhlanga weStudio 7 ayiqhube loMnu. Fortune Jamela, isiphathamandla seARTUZ.

please wait

No media source currently available

0:00 0:02:51 0:00

XS
SM
MD
LG