Inani lasebefunyenwe belegcikwane leCoronavirus koBulawayo liqonge lisuka kwabahlanu lisiya kwabalitshumi ngalanga linye.
Ugatsha lwezempilakahle lwazise Ngolwesithathu ntambama ukuthi phakathi kwabangamatshumi amabili lantathu abahlolwe koBulawayo, abahlanu batholakale belegciwane leli.
Lokhu sokutsho ukuba eZimbabwe jikelele abantu asebelegciwane leli sebengamatshumi amabili lantathu-23, labulala abathathu.
Abekholitshini leJohn Hopkins University babika ukuba inani lasebefunyenwe belegcikwane leCoronavirus emhlabeni jikelele selisedlula izigidi ezimbili -2,101,164, phakathi kwalelo nani iMelika yiyo elokhu ikhokhela, ilenkulungwane ezedlula kancane ezingamakhulu ayisithupha-641,166.
Emhlabeni jikelele, babikwa sebezinkulungwane ezilikhulu lamatshumi edlula amane- 140,773 asebebulwe yiCovid 19.
Emazweni awezwekazi leAfrica sebezinkulungwane ezedlula ezilitshumi lasikhombisa - 17,701, asebefunyenwe beleCoronavirus.
ISouth Africa lokhu ikhokhela ekubeni lenani eliphezulu lasebefunyenwe belegcikwane leli ezwekazi leAfrica esilenkulungwane ezedlula ezimbili lengxenye- 2,506, lilandelwa yi Egypt layo esilenkulungwane ezedlula ezimbili-2,505.
ICovid 19 isibulele abangamakhulu edlula athoba munwemunye-916, ezwekazi leAfrica, kuthi asebesinde kuyo sebezinkulungwane ezedlula ezintathu lengxenye-3,585.