Asebehlatshwe Amajekiseni eCovid-19 Womabili eMelika Sebevunyelwa Ukuhlangana Bengela maMask

Ugatsha olubona ngokulwisana lemikhuhlane etshiyeneyo kweleMelika olweCenters for Disease Control and Prevention izolo lwethule iziqondiso ezintsha eziphathelane lomkhuhlane weCovid-19.

Ugatsha lolu luthi abantu beMelika asebehlatshwe amajekiseni okuvikela lumkhuhlane wonke womabili sebevunyelwa ukuphatheka kumbuthano emincane egoqela abangakahlatshwa bengagqokanga ama-mask.

Kodwa luthe nxa befuna ukuya kumbuthano emikhulu kumele bawagqoke. Abangakahlatshwa kumele baqhubeke bezivikela ngokuwagqoka.

Amazwi la agcizelelwe nguMongameli Joe Biden yena okhuthaze uzulu ukuthi ahlatshwe ngobunengi ukuze abuyele kumpilo yakudala lumkhuhlane ungakafaki.

Isizalwane seZimbabwe esihlala eTexas, eMelika, uMnu Raphael Mthombeni utshele iStudio 7 ukuthi iziqondiso ezintsha lezi zilakho ukukhuthaza uzulu ukuthi ahlatshwe ngobunengi.

Embed share

Ingxoxo loMnu Raphael Mthombeni

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:22 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala